Pak ditë më parë në emisionin “Shqipëria Live”, Elvira dhe Elez Dungaj, treguan se si kanë rritur një fëmijë që 3-ditësh e deri tani, që ua la në shtëpi një vajzë e re 18-vjeçe. Nëna biologjike e djalit, Esmeralda Kamena që ndodhet në Gjermani , rrëfeu në të njëjtin emission se me cfarë kalvari është përballur në jetë dhe përse u detyrua ta linte të birin te familja rome. Kam qenë 18 vjeçe. Dy muaj para se të vija në Shqipëri mora vesh se isha shtatzënë. Në Greqi jetoja me një djalë, i cili më nxori jashtë pasi mori vesh se isha shtatzënë. Kam pas punuar në një diskotekë në Greqi dhe aty më kanë përdhunuar 5 vetë. E kam lindur në Shkodër djalin pasi po kërkoja një shtëpi, se kisha gjetur një punë. Linda djalin dhe nuk kisha ku të qëndroja. Ika sërish te halla ime. Dy ditë e mbajtën e më thanë që të shkoj të punoj se çfarë do hajë djali. Shkova për të punuar dhe më pas më thanë hajde te shinat e trenit dhe aty e gjeta hallën me djalin. Gruaja tregoi më tej se e mori fëmijën dhe nuk dinte ku të shkonte. Ishte shumë ftohtë tha ajo mes lotëve, dhe kisha frikë se mos fëmija më vdiste. Një I njohur, sic u shpreh e pushtuar nga emocionet, e kishte orientuar tek Elvira e cila vete dy vajza. Ajo e mori djalin dhe u kujdes për të sikur ta kishte fëmijën e vet. Pasi e lashe fëmijën, I urova vdekjen vetes, tha Esmeralda. Në rrëfimin e saj rrënqethës, ajo u shpreh se I kishte bërë djalit një fotografi të cilën e mban akoma.