Një tjetër atentat me armë zjarri silenciator tronditi Shkodrën mbrëmjen e së hënës. 34 vjeçari Vinçens Piroli u qëllua me dy plumba, ku njëri plumb e preku në bark dhe tjetri në shpatull. Një person i paidentifikuar e transportoi 34 vjecarin në spitalin e Lezhës, por për shkak të plagëve të marra në trup Piroli u dërgua në spitalin e Traumës në Tiranë për një mjekim më të specializuar. Shenjestra e këtij atentati nuk ishte emër I panjohur për policinë. Piroli ishte i shpallur në kërkim ndërkombëtar për një vrasje të kryer në Malin e Zi, ngjarje e ndodhur në muajin korrik të vitit që lam pas. Vinçens Piroli së bashku me shtetasin Dorjan Lala akuzohen se kanë vrarë malazezin Momçillo Gjurishic. Arsyeja e vrasjes së këtij të fundit dyshohet se është kryer për larje hesapesh ose e thënë ndryshe për hakmarrje. Atentati i ngritur ndaj Pirololit mendohet se është kryer për gjakmarrje nga autorë të cilët mund të kenë lidhje me 68 vjecarin Momçillo Gjurishic. Djali i këtij të fundit gjithashtu dyshohet se ka kryer një vrasje në vitin 2017. Savo Gjurishiç, djali i 68-vjecarit vrau me armë zjarri 53-vjeçarin nga Kosova, Beqë Likaj. Savo është dënuar në tetor të vitit 2018 me 13 vjet e gjysmë burg. Dy shqiptarët në kërkim janë futur ilegalisht në Malin e Zi dhe kanë vrarë 68-vjeçarin në lokalin e tij, e më pas janë kthyer në Shqipëri. Edhe pse ishte në këkrim ndërkombëtar Piroli lëvizte lirshëm në Shqipëri, ndërsa ky i fundit nuk kishte urdhër arresti për arrestim. Atentati ndaj 34 vjecarit dështoi mbrëmjen e së hënës, por nuk dihet nëse larja e hesapit mbaroi apo jo me kaq.