Parada e Vladimir Putinit në ditën e fitores, u shoqërua mëngjesin e të hënës me një sulm kibernetik poshtërues, me mesazhe që i thonin rusëve se ata kishin gjak ukrainas në duar. Mesazhet erdhën ndërsa rusia kishte ngrirë para televizioneve për të parë paradën e përvitshme të ditës së fitores, në sheshin e kuq, që shënon disfatën e gjermanisë naziste, të udhëhequr nga presidenti rus. Sulmi i hakerave, preku shikuesit online të disa kanaleve të transmetuara nga rrjetet ruse. Një mesazh u paraqit në ekrane ku thuhej: Gjaku i mijëra ukrainasve dhe qindra fëmijëve të tyre është në duart tuaja. Televizionet dhe autoritetet gënjejnë. Jo luftës”. Mesazhet kundër luftës u shfaqën në disa televizione ruse dhe u panë në të gjithë vendin. Një sulm kibernetik madje goditi edhe kanalin e ministris ruse të mbrojtjes, TV Zvezda.