Policia e Shtetit ka vijuar sërish kontrollet intensive në vend, në mënyrë për të parandaluar aksidentet e mundshme. Në njoftim bëhet me dije vijon të jetë I lartë numri I drejtuesve të cilët konsumojnë alkool në drejtimin e makinës. Gjithashtu janë regjistruar dhe raste, ku u janë ofruar lekë efektivëve të rrugores. Në të gjitha rastet, këta persona janë shoqëruar në komisariat. Kontrollet kryesore kanë vijuar në Tiranë, aty ku dhe numri I mjeteve është më I madh. Në kryeqytet bëhet me dije se janë arrestuar 6 persona, pasi janë konstatuar të dehur në drejtimin e mjetit. Si dhe u proceduan penalisht për drejtim mjeti dhe motomjeti pa leje drejtimi 4 shtetas. Gjithashtu janë pezulluar 12 leje drejtimi për drejtim mjeti nën efektin e alkoolit. Si rezultat i kontrolleve nga shërbimet e Policisë Rrugore, janë kapur dy shtetas të shpallur në kërkim policor, ku në përfundim të veprimeve janë proceduar penalisht për vjedhje dhe lëndë narkotike. Në rrugën e "Arbërit", gjatë kësaj të diele janë pezulluar 5 leje drejtimi dhe janë vendosur 14 masa administrative për shpejtësi, por pa sanksionin e pezullimit të lejes së drejtimit. Gjithashtu janë ndëshkuar me masë administrative për gara shpejtësie dhe mos rregullim shpejtësie në qendrat e banuara 6 drejtues mjetesh, 8 për zhurma shqetësuese nga mënyra e drejtimit të automjeteve sportive, 11 për errësim të xhamit parapritës, 79 drejtues mjetesh për përdorim të aparatit celular gjatë drejtimit të mjetit. Policia bën me dije se aksionet do të vijojnë përgjatë këtyre ditëve, në kuadër dhe të fluksit të muajit dhjetor.