Një cift është shpallur në kërkim nga policia pasi akuzohen për vjedhjen e një shume të konsiderueshme parash dhe bizhuterish. Bëhet fjalë për shtetasit Qamile Hakorja 26 vjec dhe Lefter Dauti 36 vjec. Ky i fundit në bashkëpunim me të dashurën i ka vjedhur kushërirës së tij një valixhe me para dhe bizhuteri. 36 vjecari pasi ka marrë informacione se kushërira e tij do të udhëtone nga Peshkopia drejt Tiranës me një valixhe më para ka ndërtuar një skemë vjedhjeje bashkë me të dashurëne tij për marrjen e valixhes. Qamile Hakorja është paraqitur në linjën e udhëtimit nga Peshkopia drejt Tiranës, e ndërsa ka zbritur në kryeqytet ka marrë valixhën e kushërirës së Dautit dhe ka pretenduar se është e saj. Policia bën me dije se në cilësinë e provës materiale u sekuestruan 1.400.000 lekë të rinj, 2770 euro, 340 paund dhe disa bizhuteri floriri. Policia ka shpallur në kërkim dy autorët e vjedhjes, ndërsa vijon punën për kaphje e tyre dhe vënien e tyre përpara drejtësisë. Materialet i kaluan Prokurorisë së Rrethit Gjyqësor Tiranë, për veprime të metejshme procedurale, për veprën penale "Vjedhja", kryer në bashkëpunim.