Prokuroria e Korçës ka proceduar penalisht 40 punonjës të Drejtorisë së Policisë Korçë dhe të Drejtorisë së Kufirit e Migracionit, ku 25 prej tyre janë pezulluar nga detyra, ndërsa 15 të tjerë po hetohen në gjendje të lirë. Sipas prokurorisë së Korçës, punonjësit e policisë akuzohen se kanë abuzuar me fondet sa i përket dietave, shërbimeve dhe shpenzimeve të tjera të shërbimit të Frontex. Hetimi mësohet se është shtrirë për periudhën 2020-2024 dhe të proçeduar rezultojnë veç punonjësve të policisë edhe drejtues të niveleve të larta. Hetimi është shtrirë në të gjitha pikat doganore të qarkut juglindor në të cilët vepronte shërbimi i Frontex. Sipas burimeve pranë prokurorisë thonë se abuzimi financiar deri në këtë fazë të hetimit arrin në vlerën e 400 mijë euro, duke falsifikuar edhe dokumentat financiare.