Nje aksident rrugor ka ndodhur ne afersi te fshatit Qarr te Fierit në orët vona të pasdites të së shtunës. Sipas policisë mësohet se një furgon ka dalë nga rruga dhe ka rënë në një kanal. Shkak mendohet të ketë qenë lëvizja me shpejtësi në një aks pa ndriçim dhe me kthesa të forta. Me furgonin udhëtonin një çift bashkëshortësh . Gruaja e plagosur në aksident u dergua ne spitalin e Fierit. Burime nga spitali i Fierit thone se deri tani gjendja shëndetësore e dy të lënduarve është e qëndrueshme. Fatmirësisht është ndërhyrë në kohë për nxjerrjen e tyre nga mjeti pasi furgoni kishte filluar të mbushej me ujë. Grupi hetimor pas veprimeve të kryera në vendin e ngjarjes po vijon hetimin për zbardhjen e shkaqeve të aksidentit.