Ambasada e Shteteve të Bashkuara në Kiev ka informacione për mundësinë e një sulmi të madh ajror të mërkurën, dhe si pasojë do të mbyllet përkohësisht, njoftoi Departamenti amerikan i Shtetit për Çështjet Konsullore. “Ambasada do të mbyllet dhe punonjësit e Ambasadës janë udhëzuar të strehohen në vende të sigurta, si masë parandaluese”, tha Departamenti në një komunikatë të publikuar në uebsajtin e Ambasadës amerikane në Kiev. “Ambasada amerikane i këshillon shtetasit amerikanë të jetë të gatshëm për strehim të menjëhershëm në rast se njoftohet për ndonjë sulm ajror”, tha ajo në paralajmërimin e pazakontë. Kjo nuk është hera e parë që Ambasada amerikane në Kiev mbyll dyert nga rreziku i sulmeve ajrore. Ky njoftim vjen një ditë pasi Ukraina përdori raketat amerikane me rreze të gjatë, ATACMS, për të kryer sulme në tokën ruse, duke e shfrytëzuar lejen që administrata në largim e presidentit amerikan, Joe Biden, ia dha në ditën e 1.000-të të luftës. Edhe britania e madhe tha se po monitoron situatën e sigurisë për britanikët në Kiev "nga afër" - por ambasada në Kiev mbetet e hapur. Në anën tjetër, edhe spanja dhe greqia kanë mbyllur ambasadat e tyre - duke u thënë qytetarëve të vet që "të marrin masa ekstreme sigurie" për shkak të "rritjes së rrezikut të sulmeve ajrore në të gjithë Ukrainën".