Franca nuk po e menaxhon dot situatën e koronavirusit, ndaj autoritetet njoftuan ashpërsimin e masave anticovid. Kryeministri Jean Castex njoftoi se nga ora 18.00 e së shtunës, në mbarë vendin hyn në fuqi një shtetrrethim i ri. “Situata në vend është shqetësuese dhe niveli I infeksioneve nuk po bie”, tha CastexAi gjithashtu njoftoi kufizime të reja për njerëzit që mbërrijnë në këtë vend. Të gjithë ata që mbërrijnë në Francë nga jashtë BE-së duhet të paraqesin një test negative për koronavirusin, të realizuar brenda 72 orësh përpara udhëtimit. Më pas, do të karantinohen për shtatë ditë dhe do t`I nënshtrohen testit sërish. Kontrollet kufitare janë ndërmarrë pjesërisht për të kufizuar shkallën me të cilën variantet e reja dhe më infektuese të virusit që po qarkullojnë së fundi, të mund të bëhen dominuese në Francë. Ekziston një shqetësim i veçantë nga shtami I zbuluar në Mbretërinë e Bashkuar, për të cilin ministri francez i shëndetësisë thotë se tani përbën rreth 1,5% të rasteve të reja në shkallë vendi. "Ne duhet të bëjmë gjithçka për të parandaluar përhapjen e këtij varianti në Francë," u shpreh Olivier Veran. Franca deri tani ka shënuar më shumë se 69 mijë vdekje nga koronavirusi, vendi I shtatë në botë me numrin më të madh të jetëve të humbura nga pandemia. Pamjet: AFP