Franca ka lëshuar alarm të kuq për përmbytje në tre departamente, ndërsa pasojat e stuhisë Nils po shkaktojnë kaos në të gjithë vendin. Shirat kanë përmbytur shtëpi dhe kanë izolua fshatra pasi lumi Garonne doli nga shtrati, me hidrologët që paralajmërojnë se tokat janë mbigoput nga shiu si pasojë e reshjeve rekord që kanë rënë. Meteo France tha se alarmet e kuqe për përmbytje do të mbeten në fuqi të mërkurën në Gironde, Lot-et-Garonne dhe Maine-et-Loire, por numri i qarqeve nën alarm portokalli do të bjerë nga 14 në 12. Monique Barbut, ministre për tranzicionin ekologjik, tha se gjendja e jashtëzakonshme - e nevojshme për të përshpejtuar kërkesat e sigurimeve - do të shpallet sapo të mbarojnë përmbytjet. “Njerëzit që ndjekin çështjet klimatike na kanë paralajmëruar prej kohësh se ngjarje të tilla do të ndodhin më shpesh”, tha ajo të martën, një ditë pas vizitës në rajonin e goditur nga përmbytjet, në komentet për kanalin televiziv të lajmeve LCI. Përmbytjet në Francë vijnë pas një serie stuhish që kanë goditur Portugalinë dhe Spanjën , duke lënë të paktën 16 të vdekur dhe duke detyruar mijëra njerëz të largohen nga shtëpitë e tyre.