Pasi lumenjtë në të gjithë Francën dolën nga shtretërit këtë javë, në mesin e shirave të rrëmbyeshëm, kryeministri i vendit premtoi mbështetje për fermerët dhe banorët, tokat e të cilëve ishin dëmtuar. Në paris, niveli i ujit në lumin e senës ka vijuar të rritet, për të katërtën ditë radhazi dhe shërbimi kombëtar i motit ka parashikuar që ujërat të qëndrojnë në nivele alarmuese gjatë fundjavës. Në francën jugore, uji ka filluar të tërhiqet pasi përmbytjet më të rënda në 40 vite bënë që lumi garonne, të pushtonte zona të tëra mes bordosë dhe tuluzës. Vreshtat e pafund dhe serat u shndërruan në liqene dhe barkat e shpëtimit lundronin përgjatë rrugëve të qytezave të vogla. Kryeministri Jean Castex vizitoi qytetin e zhytur nën ujë në Marmande, dhe premtoi atje solidaritet për të gjithë ata që kishin pësuar dëme.