‘Është mënyra më e mirë për të izoluar Hamasin’, kështu është shprehur presidenti francez, Emmmanuel Macron, në mbrojtje të vendimit të tij për të njohur shtetin palestinez, për televizionin izraelit Channel 12 Neës në Paris. Ai shtoi gjithashtu se dëshiron të vazhdojë të punojë me kryeministrin izraelit Benjamin Netanyahu. Macron tha gjithashtu se Izraeli po "shkatërronte plotësisht" "imazhin dhe besueshmërinë e tij... në opinionet publike kudo. I pyetur në lidhje me rikthimin e sanksioneve ndaj Teheranit për shkak të programit të tij bërthamor në fund të muajit shtator, presidenti francez konfirmoi se mund të rikthehen. “Franca ka qenë gjithmonë një lojtare shumë kërkuese, e qartë dhe konsistente në çështjen iraniane”, tha Macron për kanalin izraelit të lajmeve nga Parisi. "Ne kurrë nuk e nënvlerësuam rrezikun e bombës bërthamore në Iran, por edhe kapacitetet balistike dhe destabilizimin rajonal që vjen nga Irani”, shtoi me tej presidenti francez. Britania, Franca dhe Gjermania , të gjitha nënshkruese të një marrëveshjeje bërthamore të vitit 2015 me Iranin, muajin e kaluar aktivizuan një mekanizëm për të “rikthyer” përfundimisht sanksionet e OKB-së.