Greqia ka nënshkruar një marrëveshje për të blerë 16 raketa kundër anijeve nga Franca, tha të hënën ministri grek i Mbrojtjes, Nikos Dendias. Marrëveshja për raketat Exocet të prodhuara në Francë u nënshkrua nga Dendias dhe ministri i Forcave të Armatosura të Francës Sebastien Lecornu i cili po viziton Athinën. Kostoja e marrëveshjes nuk u bë e ditur. Sipas një pakti të mbrojtjes me Francën, të nënshkruar në vitin 2021, Greqia ra dakord të blinte tre fregata franceze dhe rreth 24 avionë luftarakë Rafale të prodhuar nga kompania franceze e mbrojtjes Dassault. Përveç kësaj, Greqia ka thënë se do të blejë një fregatë të katërt Belharra dhe raketa lundrimi nga Franca, si pjesë e një plani mbrojtës prej 25 miliardë eurosh deri në vitin 2036 për të modernizuar forcat e saj të armatosura, ndërsa kërkon të qëndrojë në një hap me fqinjin dhe rivalin e saj historik, Turqinë.