Ish-ministri i Shëndetësisë, në kohën kur qeveriste Partia Demokratike, Tritan Shehu ka shprehur shqetësimin e tij lidhur me gjendjen e shëndetësisë së vendit për të përballuar pandeminë e Covid 19. Me anë të një statusi në rrjetet sociale, Shehu shprehet se fondi prej 15 milionë eurosh që Banka Botërore i ka akorduar vendit tonë për të përballuar pandeminë nuk po menaxhohet sicc duhet. Pasi thekson se një fond i tillë është minimal dhe nuk bën ndryshim në shifrën që duhet në të vërtetë në buxhet, Shehu sugjeron që e gjithë vlera e fondit nga Banka Botërore të përdoret vetëm për një shërbim. “Fatkeqesisht edhe ky fond minimal po keqperdoret për arsye “propagandistike” duke e ndarë atë në “1000 copa” e humbur kështu efikasitetin e tij”, shprehet Shehu. Në fund ish-ministri demokrat ngre edhe një pyetje në lidhje me laboratorët spitalorë, që sipas tij një pjesë janë përdorur për “check-up” dhe pjesa tjetër është dhënë me PPP.