Forca e Sigurisë së Kosovës nuk ka ende një bazë ajrore ushtarake. Edhe pse toka e ish-aeroportit të Gjakovës, është pronë e FSK-së dhe mund të përdoret si bazë, Kosova nuk ka aviacion ushtarak. Blerjet e armatimeve për ushtrinë e Kosovës, përfshirë edhe helikopterët, duket ndërkohë se po e trazon Rusinë. Përfaqësuesi rus në OKB, Vasily Nebenzia, ka përmendur planet e Kosovës për të blerë helikopter në Këshillin e Sigurimit, javën e kaluar. Nebenzia: Po blejnë armatim, planifikojnë helikopter “Është bërë shpallja për tranzicionin në fazën përfundimtare të Ushtrisë së Kosovës duke marrë armatime edhe nga vendet e NATO-s, po flasim për dronë, automjete të blinduara, sisteme anti tank, artileri dhe armatime të tjera. Planet e tyre për të blerë edhe sistem të mbrojtjes ajrore por edhe helikopterë po vendosin baza për industrinë e mbrojtjes lokale”