Të paktën tre zjarrfikës dhe një nëpunës publik janë vrarë në një zjarr në Korenë e Jugut, duke bërë që qeveria të shpallë gjendjen e jashtëzakonshme në rajonet juglindore, thanë autoritetet të shtunën. Zjarri, filloi në qarkun Sancheong të premten pasdite. Të paktën 20 helikopterë janë angazhuar për shuarjen e flakëve dhe me shume se 300 zjarrfikës. Ndërkohë më shumë se 200 banorëve në 15 fshatra jugore u është thënë të evakuohen. "Katër persona -- tre zjarrfikës dhe një nëpunës publik -- janë konfirmuar të vdekur," tha një zyrtar i agjencisë zjarrfikëse për AFP. Zjarret e egra janë përhapur në disa zona, ku vetë të shtunën u raportuan 16 raste, sipas Shërbimit Pyjor të Koresë. Ministria e Brendshme shpalli më vonë një gjendje të jashtëzakonshme në provincat Ulsan dhe Gyeongsang Veriore dhe Jugore, për shkak të "dëmtimit të madh të shkaktuar nga zjarret e njëkohshme në të gjithë vendin". Seksione të ndryshme të autostradave në rajon janë mbyllur si masë sigurie, sipas raporteve lokale.