Të paktën 36 persona kanë humbur jetën pasi një zjarr përfshiu disa ndërtesa në një kompleks banimi shumëkatëshe në Hong Kong. Udhëheqësi i Hong Kongut, John Lee, tha se 279 persona të tjerë raportohen të zhdukur. Ai sqaroi gjithashtu se rreth 900 persona janë evakuuar në strehimore të përkohshme pas flakëve që shpërthyen në kompleksin e banesave Ëang Fuk Court në lagjen Tai Po të qytetit. Sipas autoriteteve ky është zjarri më vdekjeprurës në Hong Kong në dekadën e fundit.T re burra janë arrestuar që atëherë me dyshimin për vrasje të paqëllimshme, raportoi transmetuesi RTHK. Ndërkohë, shefat e zjarrfikësve thanë se temperaturat e larta po e bënin të vështirë për ekipet të organizonin operacionet e shpëtimit. Udhëheqësi Hohn Lee tha se zjarri po "vihej nën kontroll". Ndërkohë zyrtarët thanë se midis të vdekurve ishte edhe një zjarrfikës. Një numër zjarrfikësish të tjerë thuhet se janë lënduar ndërsa përpiqeshin të shuanin flakët ndërsa çanin kullat 31-katëshe. Zjarri, i cili shpërtheu në orën 14:51 sipas orës lokale, ishte përhapur në skelat prej bambuje dhe rrjetat e ndërtimit të vendosura rreth pjesës së jashtme të kompleksit. Nuk dihet se si filloi zjarri, por zyrtarët thanë se filloi në skelat e jashtme të njërës prej ndërtesave përpara se të përhapej në kompleksin e banimit.