Më në fund pas shumë vite harrese shtëpia e At Gjergj Fishtës do të restaurohet. Lajmin për fillimin e punimeve për restaurimin e ka dhënë ministrja e Kulturës, Elva Margariti. Shtëpia ku poeti kombëtar ka kaluar fëmijërinë ndodhet në fshatin Fishtë të Lezhës, ku në nisjen e punimeve ka qenë e pranishme edhe vetë ministrja. Sipas ministres së Kulturës objekti do t’i nënshtrohet një restaurimi të plotë. Punimet do t’i përmbahen konfiguracionit origjinal të ndërtesës, në të gjithë elementët e saj, në dyer, dritare, dysheme, tavane druri, shkallë, parmakë, çati, madje edhe në oborre. Ministrja Margarit thekson se kjo godinë është pjesë e “Itinerarit Fishtian”, një rrugëtim në stacionet e jetës së “Homerit shqiptar”, sicc e cilëson ajo Fishtën. Rikonstruksioni që pritet të përfundojë brenda 6 muajve. Shtëpia e At Gjergj Fishtës ka qenë shpesh objekt i debateve për harresën që ishte bërë ndër vite. Ministrja Margariti është shprehur se shkak për vonesën e rikosntruksionit të shtëpisë së Fishtës janë bërë problematikat e shumta të pronësisë por edhe hartimi i një projekti të plotë, të cilas sipas saj e kanë shtyrë nisjen e punimeve