Kjo javë ka qenë fatkeqe për dy familje, përkatësisht në Elbasan dhe Shijak, pasi banesat e tyre janë përfshirë nga flakët, duke sjellë dëme të mëdha. Fatale do të ishte për banesën që u përfshi nga flakët në Rubjekë të Shijakut në mbrëmjen e së hënës pasi u shkrumbua totalisht, duke djegur kështu edhe paratë që familja Domi kishte marrë për të rindërtuar shtëpinë e dëmtuar nga tërmeti këtë pranverë. Flakët kanë përfshirë edhe kasollen pranë banesës, duke djegur fatkeqësisht edhe gjënë e gjallë.