Sekretari amerikan i Mbrojtjes Lloyd Austin do të organizojë një takim virtual të Grupit të Kontaktit të Mbrojtjes së Ukrainës, i cili përbëhet nga dhjetëra vende që kanë mbështetur Kievin në luftën e tij kundër pushtimit të paligjshëm të Rusisë, mes thirrjeve të presidentit Volodymyr Zelensky për aleatët që të shpejtojnë dorëzimin e avionëve luftarakë të premtuar F-16 për të forcuar mbrojtjen ajrore të vendit të tij. Sipas Pentagonit, takimi që do të mbahet në lidhje video, do të fokusohet në strategjitë për të ruajtur aftësitë e manovrimit të Ukrainës dhe për të përmirësuar mbrojtjen ajrore të vendit në përgjigje të sulmeve të vazhdueshme nga Rusia. Ndërkohë, në fjalimin e tij të përnatshëm, presidenti Volodimir Zelensky theksoi se dorëzimi i avionëve F-16 të prodhuar nga SHBA në Kiev shërben si një tregues domethënës se Rusia është do të mposhtet në luftën në Ukrainë. Zelensky tha se "F-16 i parë ukrainas do t'i dërgojë një mesazh të fuqishëm botës se agresioni i Rusisë do të çojë vetëm në humbjen e saj. Ai do ta bëjë Rusinë më të dobët dhe më të izoluar". Ai theksoi më tej rëndësinë e trajnimit të pilotëve dhe furnizimit të shpejtë, duke nënviziar nevojën për vendime të shpejta për të mbrojtur në mënyrë efektive hapësirën ajrore të Ukrainës.