Shumica e evropianëve besojnë se një luftë e re e ftohtë ka nisur mes SHBA dhe rivalëve kryesorë të saj gjeopolitikë, Kinës dhe Rusisë. Ky është përfundimi i një raporti që thotë edhe se pak evropianë e shohin vendin e tyre si pjesëmarrës direkt. Bazuar në një sondazh të kryer në 12 vende anëtare të BE, studimi i kryer nga këhsilli evropian për marrëdhëniet me jashtë, vjen ndërkohë që është shënuar një carje mes bllokut dhe aleancës Aukus, SHBA-Britani dhe Australi. Të dhënat nënvizojnë se ka një rrezik të qartë të thellimit të ndasisë mes opinionit publik evropian dhe atij në shba. Përgjigjet në anketën e kryer po ashtu tregojnë edhe një hendek mes ambicjeve politike të brukselit dhe të vendeve anëtare të BE-së, duke krijuar mundësinë për më pak efikasitet në një reagim evropian në rast të përshkallëzimit të tensioneve me Kinën apo rusinë. Nëse uashingtoni dhe brukseli po përgatiten për një përballje me autokracitë në pekin dhe në moskë, ato mund të zbulojnë se nuk kanë konsensusin e shoqërisë pas tyre. Në të 12 vendet ku është zhvilluar studimi, 62 për qind e të anketuarve besonin se një luftë e ftohtë ka nisur mes shba dhe kinës dhe 59 për qind shihnin dicka të ngjashme që po lind mes shba-së dhe Rusisë. Vetëm 15 për qind e evropianëve ndjenin se vendi i tyre ishte në luftë të ftohtë me Kinën ndërsa për rusinë, shifra ishte pak më e madhe, 25 për qind.