Gjysmëfinalet dhe finalja e madhe në Londër parashikohet që t’i sjellin ekonomisë angleze rreth 110 milionë euro të ardhura shtesë, sipas ekspertëve të ekonomisë. Bankierët britanikë kanë përllogaritur se në këtë shifër një pjesë të madhe ka si kontribut vetë ecuria e Anglisë, që të dielën luan në finale përballë Italisë. Dalja në finale do të rrisë konsumin, duke sjellë xhiro milionash në qarkullim për hotelet, restorantet, baret dhe shëtitjet. “Me gjysmëfinalet dhe finalet e luajtura në Londër, qyteti do të ndizet nga aktivitetet. Kombinuar kjo me mundësinë që trofeu të fitohet nga Anglia, përfitimet ekonomike do të jenë të mëdha”-ka deklaruar një ekspert ekonomie. Sipas përllogaritjeve tifozët që do të ndjekin finalen e Ëembley-t do të shpenzojnë mijëa euro për ushqim, blerje të tjera, qëndrimi në hotel si dhe bileta për të ndjekuar ndeshjet në Ëembley. Megjithatë, ndikimi financiar mbetet minimal në krahasim me shpenzimet miliarda euroshe që janë bërë në kompeticionet e tjera të këtij lloji, si Francë 2016, apo Kupa e Botës në Rusi në 2018. Sa i takon fituesve, ekspertët dhe statisticionët janë të ndarë. Deri para ndeshjes me Danimarkën, Anglia konsiderohej favorite për ta fituar trofeun. Por fitorja e vështirë me danezët dhe bilanci negativ historik me Italinë kanë bërë që ekspertët e “The Economist” të ndryshojnë mendim.