Presidenti turk, Recep Tayyip Erdogan i tha presidentit amerikan në një telefonatë të enjten, se ishte koha që SHBA të hiqte të gjitha sanksionet e padrejta mbi industrinë turke të mbrojtjes. Sipas një deklarate nga zyra e Erdogan, ai i tha Biden se turqia priste që kërkesa e saj për blerjen e 40 avionëve luftarakë amerikanë F-16 dhe modernizimin e flotës ekzistuese, të finalizohej sa më shpejt që të ishte e mundur. Ankaraja fillimisht kishte porositur më shumë se 100 avionë luftarakë F-35 të prodhuar nga Lockheed Martin, por SHBA e nxorri atë nga programi në 2019-ën pasi Ankaraja bleu sistemin rus të mbrojtjes raketore S-400. Turqia e ka cilësuar masën të padrejtë dhe ka kërkuar rimbusrimin e pagesës prej 1.4 miliardë dollarësh. Reuteres raportoi vitin e shkuar se Ankaraja i kishte bërë një kërkesë Uashingtonit të blinte 40 avionë F-16, dhe afro 80 paketa modernizimi për avionët e saj ekzistues. Blerja e sistemit rus S-400 nga ana e turqisë, u pasua edhe me sanksione amerikane. Në dhjetor 2020, uahsingtoni e vendosi drejtorinë e industrisë mbrojtëse të turqisë, shefin e saj dhe tre punonjës të tjerë, në listën e saj të zezë.