Një vajzë 14 vjecare po lufton për hetën e saj pasi era e fortë mori me vete catinë e një qendre tregtare dhe pjesët e saj i ranë adoleshentes mbi kokë. Një video tregon momentin tmerrues në të cilin struktura e madhe prej metali, shkëlutet nga një erë e fuqishme dhe bie mbi kalimtarët në një fshat në rusi. E reja, e quajtur Anastasia, ndodhet në kujdes intensiv pasi ka pësuar plagë të rënda në kokë gjatë incidentit të frikshëm. Ajo kishte dalë me një shoqe në fshatin Bizhbuljak, në Bahkiria, të njohur edhe si Bashkortostan, në rusinë perëndimore. Pamjet, që duket se janë filmuar nga brenda një makine, tregojnë një grup njerëzish që largohen me vrap, pasi shohin catinë që fluturon drejt tyre. Një sekondë më vonë, catia bie në tokë, mbi disa persona. Një helikopter e ka dërguar vajzën e lënduar në spitalin e fëmijëve në kryeqytetin rajonal, Ufa, ku ajo iu nënshtrua një ndërhyrjeje kirurgjikale në kokë. Mjekët thonë se ajo është tani në gjendje stabël, por është shumë e vështirë të përjashtohet rreziku i humbjes së jetës. Zyrtarët rusë tani kanë nisur një hetim kriminal, për ndonjë abuzim të mundshëm me masat e sigurisë së ndërtimit që mund të ketë ndikuar në këtë aksident.