Emisari presidencial për misione të veçanta, Richard Grenell ka reaguar ashpër ndaj një deklarate të bërë nga presidentja e Kosovës, Vjosa Osmani. Reagimi i tij erdhi pasi Osmani kishte deklaruar se administrata Trump ka qenë administrata më pro-Kosovë që kur vendi ka shpallur pavarësinë. Në një postim në platformën X, Richard Grenell e kundërshtoi këtë deklaratë dhe kritikoi qeverisjen aktuale në Kosovë “Ajo po gënjen.Ekipi Kurti/Osmani ka qenë një katastrofë dhe të gjithë e shohim qartë këtë. Ajo do të thotë cfarëdo për të mbijetuar politikisht’ – ka shkruar Grenell me tone të ashpra. Osmani deklaroi se administrata Biden kishte kërkuar vazhdimisht lëshime nga Kosova në bisedimet me Serbinë, ndërsa administrata Trump mbështet sovranitetin, integritetin territorial dhe anëtarësimin e Kosovës në NATO pa lëshime.