Këshilli i Shteteve në Zvicër dëshiron ta zgjasë deri në vitin 2029 misionin e “Sëisscoy”, ku pjesëtarë të ushtrisë zvicerane marrin pjesë në Kosovë. Të martën Këshilli miratoi vendimin federal me 37 vota pro, 2 kundër dhe 4 abstenime. Këshilli Federal i ka kërkuar parlamentit zviceran që mandati të zgjatet deri në fund të vitit 2029, duke mbajtur të njëjtin numër trupash. Megjithatë, dëshiron të ketë kompetencën që ta rrisë këtë numër deri në 30 persona shtesë në rast se përkeqësohet situata e sigurisë dhe KFOR-i kërkon përforcime. Që nga tetori i vitit 1999, ushtria zvicerane merr pjesë me kontingjentin e saj Sëisscoy, në misionin ndërkombëtar paqeruajtës KFOR të NATO-s në Kosovë. Aktualisht numri maksimal i ushtarëve zviceranë në këtë mision është 215. Mandati aktual skadon në fund të vitit 2026. ministri i Mbrojtjes Martin Pfister është shprehur se aktualisht situata është e qetë në Kosovë, por mbetet e paqëndrueshme, sidomos në veri, ku tensionet ndërmjet komuniteteve etnike vazhdojnë.