Kryeministri britanik Rishi Sunak priti në “Doëning Street” homologen e tij italiane, Georgia Meloni, e cila është në Britaninë e Madhe për një vizitë dy ditore. Në nisje të takimit, Sunak theksoi se vlerat e Mbretërisë së Bashkuar dhe Italisë janë shumë të harmonizuara, teksa vlerësoi edhe Melonin si një udhëheqëse shumë të fortë dhe empatike. "Unë mendoj se vlerat midis dy vendeve tona janë shumë të përafërta, ndaj kjo është arsyeja pse ne mund të punojmë kaq mirë në sfidat e përbashkëta, si pushtimi ilegal i Putinit në Ukrainë, apo edhe trajtimi i migracionit ilegal, që është diçka e përbashkët për të dy vendet”, tha Sunak. Nga an tjetër, edhe kryeministrja italiane vlerësoi bashkëpunimin mes dy vendeve dhe luftën e Britanisë kundër migracionit ilegal, një fenomen mjaft shqetësues për Londrën zyrtare, por edhe Italinë.