Presidenti i zgjedhur amerikan, Donald Trump, do të emërojë Elon Muskun në një pozicion shumë të rëndësishëm në qeverinë e tij. Musk së bashku me ish-kandidatin republikan për president Vivek Ramasëamy do të drejtojnë Departamentin e Efikasitetit të Qeverisë, i cili do të operojë jashtë ekzekutivit amerikan. Përmes një deklarate, Trump tha se Musk dhe Ramasëamy, do t’i mundësojnë administratës që të zhdukë burokracinë qeveritare, të zvogëlojë numrin e rregulloreve të tepërta, të shkurtojë shpenzimet e kota dhe të ristrukturojë agjencitë federale. Puna e këtij departamenti, sipas Trumpit pritet të përfundonjë më 4 korrik 2023, në 250-vjetorin e nënshkrimit të deklaratës së pavarësisë së SHBA-së. “Një qeveri më e vogël, me më shumë efikasitet dhe më pak burokraci, do të jetë dhurata perfekte për Amerikën në 250-vjetorin e Shpalljes së Pavarësisë”, u shpreh Trump. Pas njoftimit, Musk postoi në platformën e tij të mediave sociale, X: “Kërcënim për demokracinë? Jo, kërcënim për burokraci!” Ishte e pritshme që Musk, i renditur si personi më i pasur në botë nga revista Forbes, të përfitonte nga fitorja e Trumpit, pasi miliarderi ka dhënë miliona dollarë për të mbështetur fushatën e republikanit për zgjedhjet presidenciale.