Ushtarët e Koresë së Veriut po “ekzekutojnë” shokët e tyre të plagosur për të ndaluar kapjen e tyre nga Ukraina, thotë presidenti ukrainas Volodymyr Zelensky. Ai pretendoi se forcat e tij kishin kapur "disa" luftëtarë të diktatorit Kim Jong-Un, por ata nuk kanë mundur të mbijetojnë pas plagëve të marra. Ukraina konfirmoi gjithashtu një sulm me raketa mbi një objekt magazinimi dhe riparimi të dronëve iranianë Shahed thellë në territorin rus, në rajonin Oryol. Sipas mediave ukrainase në këtë sulmSipas mediave ASTRA, u përdorën raketat vdekjeprurëse të furnizuara nga Britania, Storm Shadoë. Zelensky foli ndërsa u shfaqën pamjet që raportohet se tregonin trupat e Koresë së Veriut në pozicione në fushën e betejës, "me mbrojtje minimale", në rajonin e Kurskut, në Rusi, duke mos marrë masa mbrojtëse përballë dronëve ukrainas. Kjo i bënte ata të prekshëm ndaj sulmeve ajrore, ndryshe nga trupat ruse që veprojnë në grupe më të vogla dhe më pak të ekspozuara. Trupat e pajetë të ushtarëve koreanoveriorë, të gjetur nga ukrainasit, janë parë madje edhe pa radio dhe pa forma të tjera komunikimi. Sipas zelenskit, trupat koreanoveriore kanë pësuar shumë humbje pasi më parë kishte folur për mbi 3 mijë të vdekur dhe të plagosur. Ushtarë koreanoveriorë janë parë ndërkohë edhe në spitalet e moskës. “Ne shohim se ushtria ruse dhe forcat e Koresë së Veriut nuk kanë interes për mbijetesën e këtyre trupave. Ata duan që të pamundësojnë kapjen rob të koreanoveriorëve dhe ka raste që po ekzekutojnë njerëzit e tyre. Ndërkohë rusët i dërgojnë në sulme me mbrojtje minimale”, tha Zelenski.