Neonazisti norvegjez Anders Behring Breivik, i cili vrau 77 persona përmes një shpërthim me bomba dhe të shtëna në vitin 2011, doli në gjykatë të martën duke kërkuar për herë të dytë lirim me kusht. Breivik, 45 vjeç, ka vuajtur deri më tani 13 vjet nga një dënim maksimal prej 21 vitesh burg, por ka të drejtë për një seancë dëgjimore për lirim me kusht sipas ligjit norvegjez, pasi ka kryer 10 vite burgim. Autoritetet thanë se kërkesa për lirim me kusht e ekstremistit duhet të refuzohet sepse ekziston ende një rrezik "i kualifikuar dhe real" që ai të kryejë një krim tjetër të rëndë dhe të dhunshëm nëse lirohet. Duke mbërritur në gjykatë të martën i veshur me një kostum të zi, Breivik shfaqi shkronjën "Z" të rruar në anën e kokës së tij, një simbol i përdorur nga trupat ruse në muajt e parë të pushtimit të Ukrainës në 2022.