Një shtetas shqiptar, identitieti i të cilit nuk bëhet me dije dyshohet të jetë ekzekutuar në një shtëpi bari në Agli. Mediat britanike bëjën me dije se ngjarja e rëndë është rgjistuar rreth orës 03:15 të mëngjesit në vendin e quajtur Caley Road. Sipas KentOnline, një banore e zonës aty pranë ka parë disa detaje të vogla përpara se të ndodhte vrasja. Sipas shtetases britanike, rreth 8 burra të armatosur me thika dhe sëpata ndodheshin në vendin e ngjarjes. Po sipas deklaratës së saj të publikuar nga media brianike, thuhet se shtëpia e barit ishte në zotërimin e tre burrave, që sipas saj ishin me origjinë nga Shqipëria. Gruaja më tej shtoi se ka zbuluar një sëpatë të hedhur në Rankine, pranë një makine tip Ford Fiesta, të cilën policia e rrethoi më vonë. Nga ana tjetër, një tjetër banor I zonës deklaroi për KentOnline se si po ecte në rrugë rreth orës 4 të mëngjesit kur pa rreth 15 burra duke vrapuar ndërsa mbanin bimë kanabis në duar. Një punonjëse që merret me pastrimin e rrugëve tregoi se ajo nuk ishte në gjendje të largohej nga rruga deri në orën 06:00 të mëngjesit pasi policia tha se e gjithë zona ishte një skenë vrasjeje e qëndroi e rrethuar. Policia dhe autoritetet britanike vijojnë hetimet, ndërsa pritet zbardhja e plotë e ngjarjes dhe identifikimi i persnit të vrarë. Moimentalisht ende nuk është e konfirmuar nëse viktima është shqiptar.