Ekzekutohet me armë zjarri në Fier një 50 vjecar, emri i të cilit nuk rezulton në listën e personave me precedentë penalë. Ngjarja ndodhi mëngjesin e kësaj të hëne ku viktimë mbeti Ahmet Toska. Mësohet se viktima ka qenë duke ecur në këmbë pranë një shkolle 9-vjeçare, ndërsa në rrethana të paqarta është vrarë. Sipas policisë, persona të paidentifikuar qëlluan nga një makinë në drejtim të viktimës, duke e lënë të vdekur në vend. Bashkëshortja ka parë skenën e krimit, ndërsa shumë dëshmitarë janë marrë në pyetje për rrethanat e atentatit të rëndë Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes. Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.