Zbulohet makina e përdorur nga autorët e vrasjes së Nazmi Bandulës, ngjarje e ndodhur një ditë me parë në Shkodër. Autorët i janë afruar lokalit dhe kanë qëlluar ndaj viktimës i cili po pinte kafen e mëngjesit, në tavolinën në pjesën e jashtme të lokalit. Autorët dyshohet se kanë qëlluar 14 herë me kallashnikov por në vendin e ngjarjes nuk janë gjetur gëzhoja të armës. Policia ka marrë në pyetje 5 dëshmitarë në vendin e ngjarjes të cilët kanë bërë vetëm përshkrimin e makinës pa arritur të identifikojnë autorët. Targa i është vjedhur një makine Toyota Yaris në pronësi të një vajze.