Hekuran Billa ka qenë duke folur në telefon me të dashurën në momentin që u ekzekutua me breshëri automatiku në mbrëmjen e 11 qershorit në zonën e Komunës së Parisit në Tiranë. Ka qenë ky detaj që I ka dhënë një indicie policisë nga ku u zbulua 26-vjeçarja Adjola Lakra, me origjinë nga Berati, por me banim prej vitesh në Tiranë, e cila të premten u arrestua si bashkëpunëtore në vrasjen e Billës. Adjola Lakra e dashura e Hekuran Billës, e cila e nxorri në pritë ka qenë telefonata e fundit që 40-vjeçari ka pasur para se të vritej. Lakra ka qenë duke folur me të dhe kjo telefonatë ka qëndruar hapur edhe pas ekzekutimin. Ka qenë kjo një nga indiciet e policisë për të vënë 26-vjeçaren në vëzhgim dhe përgjim. Nga hetimet ka rezultuar se vajza nga Berati kishte lënë takim me Hekuran Billën në vendin ku ky i fundit mbeti i vrarë.