Pas përpjekjeve të përbashkëta disamujore, një tjetër operacion ekstradimi është realizuar me partnerët ligjzbatues të SHBA-ve. Departamenti i Policisë Kriminale në Policinë e Shtetit, në koordinim me SPAK dhe Agjencinë Federale DSS/OCIU, prezente në Ambasadën e Shteteve të Bashkuara në Tiranë, ka arritur të lokalizojë dhe arrestojë në Shtetet e Bashkuara, 56-vjeçarin shqiptar, Fatbardh Lala, I cili ishte në kërkim ndërkombëtar, me urdhër arresti nga Gjykata Kundër Korrupsionit dhe Krimit të Organizuar (GJKKO), për t’u përballur me akuzat dhe sistemin e drejtësisë në Shqipëri. 56-vjeçari, ish-oficer i Policisë Gjyqësore pranë Prokurorisë së Juridiksionit të Përgjithshëm Tiranë, ishte në kërkim në Shqipëri, për vepra penale në fushën e korrupsionit dhe nxjerrjes së sekretit shtetëror. Policia e Shtetit falënderon partnerët ndërkombëtarë të agjencive federale amerikane, për të gjithë punën dhe përkushtimin maksimal në këtë operacion ekstradimi.