Ndonëse nuk ka pasur reshje gjatë 24 orëve të fundit, në zonat më të goditura nga përmbytjet në Shkodër situata vijon të jetë e rënduar. Sipas informacioneve zyrtare nga bashkia e Shkodrës mengjesin e së martës rezultojë disa hektare toke me shume nën ujë, ndërsa niveli i lumit Buna dhe liqenit eshte rritur. Në total rezultojnë të përmbytura 1903 hektarë tokë, ku pjesa më e madhe e kësaj sipërfaqe rreth 1185 ha është e mbjellë me foragjere dhe jonxhë, 95 hektarë me grurë, 80 hektarë me bimë dekorative dhe 7 hektarë me pemëtore. Rruga e Obotit vijon të jetë e pakalushme për mjetet e ujëta, pasi niveli i ujit është ende mbi 80 cm. Ujësjellësi i Obilikës për shkak të përmbytjeve është jashtë funksionit raporton bashkia e Shkdorës. Në disa zona të bashkisë vazhdon gerryerja e tokës bujqësore nga lumi Drin në vendin e quajtur Mali i Vukatanit në fshati Ganjollë, në Bërdicën e Sipërme dhe në fshatin Bardhaj. Ndërsa në Velipojë ka pasur rrëshqitje dheu në rrugën Baks-Rrjoll dhe po punohet për pastrimin nga Bashkia e Shkodrës. Në qarkun e Lezhës situata ka ardhur duke u përmirësuar , ku vijojnë të jetë të evakuuara 30 familje për shkak të demtimit të banesave nga përmbytjet. Të përmbytura sipas bilancit të fundit rezultojnë rreth 2600 ha tokë bujqësore, ku vetëm në bashkinë Lezhës janë 2500 ha dhe 100 në bashkinë Kurbin. Drejtoria Rajonale e Monumeteve të Kultures Shkodër ka bërë të ditur se gjatë inspektimit të Ura Zogut, mbi lumin Mat, si pasojë e prurjeve të shumta nga reshjet e fundit u konstatua se kemba ku mbeshtetet harku i fundit ka çeduar duke sjelle per pasoje edhe uljen rreth 15 cm të trasese se ures, duke rrezikuar seriozisht shembjen e ures. Sa i takon gjendjes së rrugëve, konfirmohet se në qarkun e Lezhës nuk ka asnjë të bllokuar. nën monitorim po mbahen rezervuarët, ndërsa po vijon shkarkimi i tyre