Ministria e Industrisë dhe Tregtisë në Kosovë, ka publikuar të hënën çmimet maksimale për derivatet e naftës në periudhë 24-orëshe. Çmimi maksimal për naftën është caktuar 1.85 euro, për benzinën, 1.74 euro dhe për gazin, 0.78 centë. Sipas Ministrisë, këto çmime do të mbeten në fuqi nga ora 10:00 e 27 qershorit deri një ditë më pas, në të njëjtën orë. Njoftimi vjen pasi, më 22 qershor, Qeveria e Kosovës miratoi udhëzimin administrativ për rregullimin e çmimeve të derivateve të naftës. Vendimi erdhi pas rritjes së cmimeve të naftës, gjatë javëve të fundit në Kosovë. Në disa raste, një litër naftë është shitur në vend deri në 1.91 euro.