Ish drejtori i RTSH-së Thoma Gëllci është lënë në burg nga Gjykata e Posacme e Apelit, nën akuzën e shpërdorimit të detyrës për një tender më vlerë 86 milionë lekë për blerjen e pajisjeve për kanalin RTSH Agro. Gëllci bashkë me tre punonjës të tjerë akuzohen për pabarazi në tendera dhe abuzim me detyrën. Alban Malaveci, Ervin Muraj dhe Julian Tapia, tre anëtarët e Komisionit të vlerësimit të ofertave, po ashtu akuzohen për shpërdorim detyre, pra për shkelje të barazisë në tender. Avokati I Gëllcit, Dorjan Matlija tha se zgjerimi i hetimeve është tregues kryesor që hetimi për tenderin e parë ka dështuar. Ish drejtori I RTSH kërkoi një masë më të butë sigurie, me argumentin se nuk paraqet rrezikshmëri. Të njëjtën kërkesë shtruan edhe vartësit e tij, por mesa duket kjo nuk u mor parasysh. Dorjan Maltija avokati mbrotjës, më herët tha se ky është një sulm, pasi klienti i tij ka kërkuar hapjen e garës dhe do të rikandidonte për postin e drejtorit të përgjithshëm të RTSH-së. Kujtojmë se Thoma Gëllci u vu në pranga më datë 8 tetor të këtij viti.