Eitan, djali 5 vjecar, i mbijetuari i vetëm nga tragjedia e teleferikut në Itali, mund të ketë shpëtuar falë përqafimit të fundit me të atin. Është kjo ajo që thuhet nga burime brenda spitalit të Torinos, ku djali po vazhdon të luftojë me vdekjen. Ka pësuar dëmtime të mëdha, por trupi i bëshëm i babait të tij mund t’i ketë zbutur sadopak goditjet. Amit Biran kishte hipur në teleferik së bashku me të shoqen Tal Peleg dhe dy djemtë e tyre. Tomi dy vjecar vdiq në vend, kurse Eitan, 5 vjec, u gjet i gjallë. Ka pësuar shumë fraktura, sidomos në gjymtyrët e poshtme. Tani po mbahet në koma farmakologjike dhe nuk mund të thuhet ende nëse ka apo jo dëmtime në tru. “I ati kishte një trup të fuqishëm, mbase në fund e ka shtrënguar instinktivisht për ta mbrojtur, dhe kështu e ka shpëtuar,” thonë burime nga spitali. Ndërkohë në spital ka mbërritur edhe halla e Eitanit, Aya Biran. “E mora vesh tragjedinë nga Ëhatsapp-i,” thotë ajo. “E mora vëllanë, nuk përgjigjej. Mora kunatën, po ashtu. Pas dy orësh erdhi konfirmimi nga policia. E kupotova që Eitan ishte gjallë, sepse nuk e kishte emrin në listën e viktimave,” shton ajo, e shqetësuar për gjendjen kritike të nipit.