Një eklips i plotë diellor e zhyti Antarktidën nga dita verore në errësirë, në një spektakël të rrallë astronomik të shijuar vetëm nga një grusht shkencëtarësh dhe aventurierësh dhe pinguinëve të panumërt. “Shikueshmëria ishte e shkëlqyer”, thotë Raul Cordero nga universiteti i Santiago de Chile, që ndodhej atje për të parë eklipsin e plotë me fazën e unazës së zjarrit që zgjati për pak më shumë se 40 sekonda. Eklipset e diellit ndodhin kur hëna kalon mes diellit dhe tokës duke lëshuar hijen e saj mbi tokë. Që eklipsi të jetë i plotë, dielli, hëna dhe toka duhet të jenë të vendosura në një vijë të drejtë. Eklipsi i plotë ishte i dukshëm vetëm në Antarktidë dhe u shijua nga pak njerëz, shkencëtarë, ekspertë dhe turistë aventure që paguan rreth 40 mijë dollarë për privilegjin. I transmetuar live nga NASA, eklipsi zgjati për thuajse një orë. Sipas NASA-s, një eklips i pjesshëm ishte i dukshëm në disa pjesë të hemisferës jugore. Eklipsi i fundit total në Antarktidë ndodhi më 23 nëntor 2003 dhe i ardhshmi nuk do të mund të shihet deri në 2039-ën. Një eklips diellor unazor, në të cilin hëna errëson thuajse të gjithë diellin, përvec unazës së jashtme të tij, do të shihet në tetor 2023 i pasuar nga një eklips i plotë në prill 2024.