Katër persona kanë mbetur të vdekur nga të shtënat me armë zjarri në kompaninë e anijeve në Glyfada në Athinë të Greqisë. 70-vjeçari egjiptian El Burais, hyri në kompaninë detare rreth orës 10 me orën lokale të hënën dhe hapi zjarr drejt punonjësve. 70-vjeçari ishte ish-punonjës i kompanisë, i cili ishte pushuar para pak kohësh nga detyra e tij. 70-vjeçari la të vdekur, Ceo e kompanisë Andonis Vlasaqis 79 vjeç, Maria Ladha 76 vjeç motrën e biznesmenit të anijeve Spiros Karnezis dhe një punonjës, kapitenin Ilias Kukularis. Sipas informacioneve të mediave greke, personi i armatosur që hapi zjarr në zyrat e kompanisë së anijeve u gjet i vdekur në bodrumin e pallatit, me një armë pranë tij. Sulmuesi dyshohet se hyri në zyra nga parkingu i ndërtesës. Si pasojë e operacionit policor është ndërprerë qarkullimi në rrugët përreth zonës, ndërsa priten që të mbyllen dhe hetimet për ngjarjen.