Detaje të reja kanë dalë nga dëshmia e babait 50-vjeçar Fatmir Talellari, i cili vrau kunatin e tij Erjon Pelivani, pasi i përdhunoi për nëntë vite vajzën e tij. Mediat greke kanë publikuar pjesë nga dëshmia, ku babai rrëfen se kunati përdhunonte vajzën e tij në dhomën ngjitur, ku ndodhej dhe djali i tij i mitur, tashmë 9-vjeç. “Vajza ime më tregoi se kur u përdhunua nga kunati im, ishte i pranishëm edhe djali im i vogël, i cili tani është nëntë vjeç dhe të cilin kunati e la vetëm në dhomën tjetër, ndërsa mbyllte me kyç derën e dhomës ku ishte me vajzën time. Jam thellësisht i shqetësuar për shëndetin e tij mendor, pasi tani e perceptoj reagimin e tij kur pa kunatin tim. Sapo e pa u duk menjëherë i frikësuar por më pas nuk kuptova diçka. Por tani është e domosdoshme që ai të marrë mbështetje psikologjike dhe të ekzaminohet nga një psikolog fëmijësh”, tha ndër të tjera Fatmiri në dëshminë e tij para autoriteteve greke.