Pandemia Covid 19 i shtriu efektet edhe në ndryshimin e modelit të biznesit në Shqipëri. Banka Botërore ka Publikuar një raport sipas të cilit më shumë se 20 për qind e firmave shqiptare kanë nisur apo rritur aktivitetin e tyre online përgjatë përiudhës së pandemisë. Duket se konsumatori shqiptar po drejtohet tashmë drejt një mënyre të re të realizmit të blerjeve të produkteve për konsum. INSAT ka publikuar një studimin të qujtur “Përdorimi i Teknologjisë së Informacionit dhe Komunikimit në Familje” i cili ndër të tjerat paraqet edhe përdorimin e internetit për të realizuar blerje online. Sipas këtij institucioni, blerjet “online” janë kryer nga 19,5 % e popullsisë së grup-moshës 16 - 74 vjeç “në 12 muajt e fundit”, Në harkun kohor te 12 muajve porositë dhe blerjet nëpërmjet internetit kanë pësuar një rritje prej 9.4 përqind krahasuar me po të njëjtën periudhë të një viti më parë. Ky model biznesi pritet të jetë dominues në vitet në vijim megjithatë nuk ka një ligj i cili rregullon deklarimet tatimore të një biznesi i cili zhvillohet totalisht online.