Elton alias Kastriot Kila është një nga të dyshuarit si objektiv për t’u vrarë nga grupi I Erjon Alibejt, ngjarje kjo e parandaluar para disa ditësh nga Policia e Elbasanit. Kila I njohur ndryshe si Oti I Elbasanit ka qenë shenjëstër disa herë e vrasësve profesionistë dhe në fakt ditën kur u plagos e më pas u arrestua Nuredin Dumani, në mars të vitit 2022, ky I fundit kishte udhëtuar nga Kosova vetë personalisht për të ekzekutuar Elton Kilen për llogari të Suel Ccelës, por ra viktimë e një pritë nga kundërshtarët e tij. Sa I takon monitorimit të lëvizjeve të Kiles, dyshohet se Nuredin Dumani kishte bashkëpunuar me Xhafer Deliun. Ky I fundit u arrestua në tetor 2022, teksa një fotografi e Elton Kiles u gjet në telefonin e tij. Arrestimi më pas zbuloi dhe bazën e armatimeve në banesën e Rigers Spahiut, vëllait të Arben Saphiut, gjë që shtonte dyshimet se ndonëse Nuredin Dumani ishte arrestuar, një tjetër atentat po përgatitej kundër Otit të Elbasanit.