“Përdorimi i kokainës dyfishohet gjatë sezonit të festave”. Kështu theksoi profesori i Kimisë Analitike në EKPA, Nikos Thomaidis. Konkretisht, në prononcimet e tij për SKAI-n, Nikos Thomaidis tha: “Në periudhën para Krishtlindjes, veçanërisht përdorimi i drogave stimuluese, dyfishohet”. Siç tha ai në mënyrë karakteristike, “gjatë festave të fundvitit, si Krishtlindjet dhe Vitin e Ri, përdorimi i kokainës nga 1 kg rritet në gati 2,5 kg në ditë”. “Është e ditur që gjatë pushimeve ka abuzime dhe këtë e kemi dëshmuar në gazeta dhe publikime të ndryshme”, tha ai. Më pas profesori vuri në dukje se “trafikimi i kësaj lënde ka ndryshuar që nga viti 2020. “Është një fenomen pan-evropian dhe në fillim e lidhëm me Covid-in, por nuk ishte ashtu. Ka qenë një ndryshim në trafik dhe ndoshta tani kjo substancë është më e aksesueshme, edhe pse mendojmë se është një drogë e shtrenjtë”., nënvizoi ai. Trafikantët tashmë përdorin bisedat në platfomrat me pagesë për të komunikuar lidhur me ngarkesat, ndërsa përdorin porte të ndryshme për futjen e substancës narkotike, të cilën më pas e transportojnë drejt qyteteve të mëdha europiane për ta shitur në treg të zi.