Në harkun kohor të 24 orëve të fundit janë shënuar 2 viktima nga koronavirusi. E para ka qenë një 34 vjecare nga Librazhdi, për të cilën u tha se kishte edhe sëmundje të tjera bashkëshoqëruese. Viktima në moshë të re vuante nga insuficenca renale kronike, diabeti, dhe hipertensioni. Ajo ishte e shtruar në shërbimin infektiv prej disa ditësh, në gjendje të rëndë dhe e intubuar, pavarësisht përkujdesjes së mjekëve nuk ka mundur të mbijetojë. Ndërkohë në orët e pasdites, një tjetër i moshuar humbi jetën i prekur nga covid 19. Një pacient 90 vjeçar nga Tirana ka ndërruar jetë në spitalin infektiv në QSUT, i prekur nga COVID19, me disa sëmundje bashkëshoqëruese si silikoza dhe hipertensioni. Nga fillimi i epidemisë, 48 qytetarë e kanë humbur betejën me COVID19, pavarësisht përpjekjeve të stafeve mjekësore dhe terapive të mjekimit. Ministria e shendetsise informoi gjithashtu se ne spitalin infektiv vijon te jete i larte numri i te shtruarve dhe aktualisht jane 82 paciente qe po marrin trajtim. Nderkaq ne terapine intensive jane te shtruar 14 paciente.