Për llogari të drejtësisë italiane, specialistët e trafiqeve dhe narkotikëve ndaluan 50 vjeçarin, Tolin Fufi, i cili akuzohet për përfshirje në trafikim lëndësh narkotike. Gjykata e Milanos në Itali, në 31janar të vitit të kaluar, e dënoi këtë shtetas me 9 vite e 4 muaj burg, për veprën penale “Shkelje e ligjit mbi narkotikët”, parashikuar nga Kodi Penal Italian. Interpol Tirana në bashkëpunim me autoritetet ligjzbatuese po kryen veprimet për ekstradimin e Fufit drejt Italisë. Ndërkohë, paratë në këmbim të votës në zgjedhjet e 25 prillit, çuan në prangat e policisë së shtetit këtë të diel, edhe 47 vjeçarin, Vasil Shabani. Nga informacionet e marra në rrugë informative, specialistët për hetimin e krimit në Komisariatin e Pukës, lokalizuan dhe kapën në fshatin Buzhalë të Pukës, Vasil Shabanin.