Dy shqiptarë u arrestuan në Londër, pasi u kapën me një sasi prej 20 kilogramë kokainë, e cila në rast të shitjes në treg kishte vlerën e 1.6 milionë paund. Atyre iu sekuestrua edhe një sasi prej 25 mijë paund kesh, që iu gjetën në një apartament në zonën juglindore të metropolit britanik. Vidiol Muratas dhe Fatjon Nakaj janë dy shtetasit shqiptarë të moshës 43 dhe 31 vjeç, të cilët u arrestuan në banesë, pasi akuzohen për trafik drogë. Ata ishin vënë nën hetim, pas dyshimeve se vepronin gjatë natës me motorrë të vegjël, ku shpërndanin sasi droge jo me doza, porn ë sasi më të mëdha pë rata që më pas vepronin si shpëndarës droge në të gjithë zonën. Policia, nuk e pati të vështirë të vepronte, pasi siguroi më parë adresën e banimit të dy shqiptarëve. Hetimet janë përqëndruar tashmë në zbardhjen e personave të tjerë që mund të jenë pjesë e këtij grupi. Dy të arrestuarit ende nuk kanë folur për organet e drejtësisë, por autoritetet janë të bindur në fajësinë e tyre.