Një futbollist u ekzekutua në qytetin e Guayaquil në Ekuador. Mario Pineda, mbrojtësi 33-vjeçar i Barcelona Sporting Club u qëllua me armë zjarri e për pasojë humbi jetën në vend. Ngjarja ndodhi në një zonë urbane, ndërsa pak orë pas krimit të rëndë u publikuan edhe pamjet e ekzekutimit. Kamerat e sigurisë kanë kapur dy persona që kryejnë sulmin, Ata afrohen dhe më psa hapin zjarr me pistoleta. pasi sigurohen që shënjestra humbi jetën largohen me vrap. Lidhur me rastin hetuesit po punojnë për sqarimin e plotë të rrethanave të ngjarjes si dhe janë vendosur në ndjekje të dy vrasësve për t’i kapur. Deri më tani nuk janë bërë të ditura detaje mbi pistat e hetimit apo motivet e krimit.