Dy trupa pa shenja jete janë gjendur pasditen e kësa të hëne në Fier dhe Korcë. Policia e Fierit bëri me dije se në fshatin Mujalli, në një kanal të mbushur me ujë është gjetur i mbytur dhe i dekompozuar një person. Në njoftimin zyrtar nuk bëheshin me dije të dhënat në lidhje me viktimën, ndërsa pritet që detajet të zbardhen në orët në vijim. Në vendin e ngjarje është drejtuar menjëherë grupi hetimor, dhe po punon për nxjerjen e trupit nga kanali, identifikimin e tij dhe zbardhjen e rrethanave të ngjarjes. BNdërkohë, rreth orës 17:00 të pasdites, në fshatin Boboshticë është gjetur një trup I pajetë pa shenja dhune në mes të rrugës. Policia njoftoi se viktima është I moshës 70 vjec. Nga hetimet paraprake, dyshohet se vdekja mund të jetë shkaktuar nga shkaqe natyrore, mirëpo akoma nuk është konfirmuar asgjë. Grupi hetimor po punon për sqarimin e rrethanave të ngjarjes.